ჩემპიონატი კიდევ ოთხი თვე გაგრძელდება, შემდეგ კი "მილანში" ნამდვილი რევოლუცია იგეგმება. როგორც Corriere dello Sport იტყობინება, ივნისში ალეშანდრე პატო დატოვებს "მილანს" და "პსჟ"-ს მიაშურებს; მისი სატრანსფერო თანხა დაახლოებით 40 მილიონი ევროა, რაც საშუალებას მისცემს ვია ტურატის ბინადრებს, რომ სატრანსფერო ბაზარზე იაქტიურონ და გუნდი გააძლიერონ.
ამას დავუმატოთ ფეხბურთელები, რომლებსაც კონტრაქტები უმთავრებათ, აუცილებლად წავლენ ძამბროტა და იეპესი, მაგრამ ნესტას საკითხი ჯერ გადაწყვეტილი არ არის. დაცვაში სავარაუდო მომსვლელთა სახელები კი არიედო ბრაიდას უკავშირდება, ესენი არიან დედე ("ვასკო და გამა") და ფაბიო ფერეირა ("ბოტაფოგო"), თუმცა უპირატესობა ენიჭებათ ყველასთვის ცნობილ დანილოს და ბენატიას "უდინეზედან". შესაძლოა გუნდს ნატალი უფასოდ, თავისუფალი აგენტის სტატუსით შეუერთდეს.
ნახევარდაცვაში მოვა მონტოლივო, თუმცა ალეგრის სურს მასთან ერთად მოვიდეს ასამოა, რომლის შეძენაც გუნდმა გასულ ზაფხულსაც სცადა.
ინძაგი დაემშვიდობება თავის გულშემატკივრებს, შესაძლოა გუნდი დატოვონ რობინიომ და ზეედორფმა, ამ შემთხვევაში კი ყურადღება გამახვილებული იქნება ტევესისა და ბალოტელის შეძენაზე.
სავარაუდოდ იქნება ახალი მცდელობა კაკას შეძენისა, რომელიც ბერლუსკონის გამთამაშებლად სურს.
წყარო: MilanNews.It
იბრაჰიმოვიჩი
მილიტო
კავანი
დი ნატალე
პალასიო