მოკლედ ყველაფერს თანმიმდევრულად მივყვეთ. ალბათ დაახლოებით 2 წლის წინ (შეიძლება უფრო ადრეც, ყოველშემთხვევაში მე მაგ პერიოდიდან მახსოვს) საიტზე გამოჩნდა პიროვნება ვინმე nesta13, რომელიც საკმაოდ აქტიურად ჩაება საიტის ცხოვრებაში. გაგვეცნო როგორც ფეხბურთელი ლუკა კალაძე, რომელიც იმჟამად ესპანური "ვალენსიას ბ" გუნდში ირიცხებოდა. რა თქმა უნდა, ამ ამბავმა საიტის მომხმარებლებში დიდი აღფრთოვანება გამოიწვია, მოგეხსენებათ "ვალენსია" ესპანეთის ერთ-ერთი ყველაზე ძლიერი გუნდია და ალბათ ზოგიერთს გაუკვირდა კიდევაც ქართველი ფეხბურთელის ასეთ გუნდში თამაში, როდესაც მანამდე არავის არაფერი სმენოდა, თუმცა ვის უნდა დაჭირვებოდა ასეთი ტყუილის მოფიქრება და ყველამ დავიჯერეთ რა თქმა უნდა, რომ nesta13 არის ლუკა კალაძე, მცველი, რომელიც თამაშობს "ვალენსიას" ბ გუნდში. (მიუხედავად იმისა, რომ ვერც ერთ განაცხადში ვერ აღმოვაჩინეთ მსგავსი გვარი და ისიც გაკვირვებას იწვევდა, რომ მსგავი ნიჭიერი ახალგაზრდა ფეხბურთელი არც ერთხელ არ იყო საქართველოს არცერთ ასაკობრივ ნაკრებში გამოძხებული.) მომდევნო წლების განმავლობაშიც პატივცემული ლუკა ისევე შემოდიოდა საიტზე და გვიყვებოდა ათასგვარ ჭორს ფეხბურთელების ტრანსფერებზე, რომელიც ბევრს სიმართლე ეგონა და შემდგომ, როდესაც გაიგებდა რომ ტყუილია გული სწყდებოდა. უკვე ამ დროს პირველად შეეცადა ჩვენი ადმინის FORZA-MILAN-ის მოტყუებას, რომელსაც გაუგზავნა ესპანელი ფეხბურთელის, ხორდი ალბას სურათები - ვითომ საკუთარი. რა თქმა უნდა აქედან მოყოლებული ჩვენ უკვე საფუძვლიანი ეჭვი გვქონდა, რომ ლუკა რაღაცას გვატყუებდა, თუმცა ხელჩასაჭიდი ვერაფერი ვნახეთ აქედან გამომდინარე არც არაფერი გვითქვამს. ამის შემდეგ ზაფხულში იგი ყველას ეუბნებოდა, რომ კონკრეტულ რიცხვში თბილისში მოფრინავდა და ხალხის გაცნობას აპირებდა, თუმცა ბოლო დღეს მოხდა საოცრება, მან ტრავმა მიიღო და საქართველოში ვეღარ ჩამოვიდა.გასულ შემოდგომაზე ლუკას ცოხვრებაში ცვილებები მოხდა. როგოც თვითონ მოგვახსენა კარიერა გააგრძელა კიევის "დინამოში", სადაც მილანის ლეგენდასთან ანდრეი შევჩენკოსთან ერთად თურმე დღემდე ვარჯიშობს. ამ ინფორმაციამ რა თქმა უნდა კიდევ ერთხელ მოიყვანა აღტაცებაში საიტის უმრავლესობა. ბევრი შენატროდა მის ბედს (თუმცა რას შენატროდა სინამდვილეში ვინ იცის, ალბათ სადმე გლდანის მასივში ჯდომას.) ამის შემდეგ ჩვენმა ვარსკვლავმა მოულოდნელად, ბუნდოვანი მიზეზების გამო, გადაწყვიტა საიტის დატოვება. ამ თემას სტატიაც კი მიუძღვნა ჩვენმა ერთ-ერთმა ადმინმა milan21-მა (ბექა მარგიანი) და საიტმაც ღირსეულად ცრემლებითა და ოვაციებით გააცილა ჩვენი ლუკა. თუმცა ამის შემდეგ მალევე ჩვენს საიტზე გამოჩნდა ერთ-ერთი ახალი მომხმარებელი COACH, რომელიც საკმაოდ გულდაწყვეტილი იყო ლუკას წასვლით და ეს თავის კომენტარშიც კი გამოხატა.
ამის შემდეგ საიტზე კიდევ ერთი ახალი მომხამრებელი ვიხილეთ, ამჯერად გოგო ანუკა ასათიანი, რომელიც თურმე ლუკა კალაძის მეუღლე იყო და რომელიც ზუსტად ისეთივე სტილში გვაცნობდა ხოლმე სიახლეებს როგორც ლუკა. ალბათ ბევრს გაუკვირდა კიდევაც როგორ შეიძლება ახალგაზრდა გოგო იჯდეს და მთელი დღე აკვირდებოდეს ფეხბურთელებს სხვადასხვა გუნდებში და შემდგომ მათ შესახებ "მილანის" საიტზე წერდეს. ამ შემთხვევაში საიტის ადმინები უკვე დარწმუნებულები ვიყავით, რომ ანუკა იგივე ლუკა იყო და ეს რამდენჯერმე კომენტარითაც მივანიშნეთ თუმცა თვითონ არა და არ აღიარებდა სიმართლეს.
ამ ყველაფერმა კულმინაციას მაშინ მიაღწია, როდესაც საიტზე კიდევ ერთი ახალი მომხმარებელი გამოჩნდა. ამჯერად სოდის თანამშრომელი ვინმე Levan.SOD, რომლის გამოჩენისთანავე საიტიდან გაქრა ანუკა. ლევანის წერის სტილიც ზუსტად ემთხვეოდა nesta13-ისას, აქ კი უკვე სერიოზულად გადავწყვიტეთ გაგვერკვია რაში იყო საქმე. გამოვიყენეთ ადმინის უფლება და გადავამოწმეთ ამ მომხმარებლების IP-მისამართები. ჩვენდა გასაკვირად nesta13, COACH, anuka.asatiani, Levan.SOD, ყველა ეს მომხმარებელი ერთი და იგივე კომპიუტერიდან დარეგისტრირებული პირი აღმოჩნდა. შეგიძლიათ იხილოთ ამის ამსახველი ფოტოსურათიც :)
როგორც ხედავთ ოთხივე მომხმარებლის იდი დარეგისტრირებსა და კომენტარების დროს აბსოლუტურად იდენტურია.
ეს კი ამ მომხარებლების დარეგისტრირებისას გამოყენებული e-mail-ებია.
nesta13 - centre-back13@mail.ru
COACH - levan-ninoshvili@mail.ru
anuka.asatiani - paolo_maldini3@mail.ru
levan.SOD - philippe_mexes@mail.ru
ამ e-mail-ებით თუ ვიმსჯელებთ ჩვენი ლუკა კალაძე სინამდვილეში ალბათ ლევან ნინოშვილია.
საინტერესოა, რაში დასჭირდა მას ამდენი ტყუილის მოფიქრება, საიტზე სხვადასხვა სახელებით დარეგისტრირება და ხალხისთვის თავგზის არევა. საბოლოოდ იმდენად შეიჭრა როლში, რომ უკვე საკუთარ თავთანაც კი მართავდა დიალოგებს:
ამ ყველაფერის გარკვევის შემდგომ კიდევ უფრო დავეჭვდით იმაში, რომ ლუკა თუ ლევანი "ვალენსიას" ახლა კი კიევის "დინამოს" ფეხბურთელია და მილანის ლეგენდასთან, ანრეი შევჩენკოსთან ერთად ვარჯიშობს. გადავამოწმეთ იპი, რომლიდანაც მთელი ამ ხნის განამვლობაში ოთხივე user-ით აკომენტარებდა და რეგისტრირდებოდა და შედეგად აი ეს მივიღეთ:
შეგიძლიათ თავადაც დარწმუნდეთ, აიღოთ "ლუკას" IP, და ჩაწეორთ google-ს საძიებო სისტემაში. ნახავთ, რომ იპი არის საქართველოში, კერძოდ კი თბილისში.
P.S.იმედია ამ ყველაფრის ნახვის შემდეგ საიტის ბევრ მომხმარებელს აეხილება თვალი და სიმართლეს მიხვდება. ჩვენი მიზანიც მხოლოდ ეს იყო. საინტერესო ახლა, ამდენი არგუმენტის წინაშე რითიღა გაიმართლებს თავს levani.SOD(ახლა ამ სახელით ტოვებს კომენტარებს).
ეს კი ჩვენი ადმინის Sandro-ს მიერ შექმნილი კარიკატურა ფერნთან დაკავშირებით:
*შენიშვნა: თუ სურათებს კარგად ვერ ხედავთ შეგიძიათ დააკლიკოთ მაუსის მარჯვენა ღილაკით სურათზე და დააჭიროთ view image, ამის შემდეგ თქვენ ნახავთ სურათს სრული ზომით.
იბრაჰიმოვიჩი
მილიტო
კავანი
დი ნატალე
პალასიო